華懋行2.0 行山兼撑環保用電

秋高氣爽最啱做運動，黛安噚日就同4,000人一齊參加咗「華懋行2.0」生態遊。行程喺香港仔水塘入口起步，以灣仔峽公園為終點。黛安沿途見到好多靚絕嘅大自然風光，仲有導賞員用話劇導賞形式，有趣地講解香港綠色故事畀參加者知。公關好友同黛安講，活動所籌得嘅款項將不扣除任何開支，全數捐贈予世界綠色組織（World Green Organisation）推行嘅「校園用電審計研究」計劃。

華懋集團執行董事龔仁心醫生、運房局局長陳帆、食衞局局長陳肇始教授、漁護署助理署長黎存志等多位高官名人都有份主持起步禮。

龔醫生話，今年華懋行嘅主題喺時光之旅，大家可以穿越過去，睇下香港仔水塘點樣由私人水塘演變成公用設施，畀大家知道食水嘅可貴。華懋更承諾將來繼續推動保育同綠化香港嘅活動，將環保信息、傷健共融帶到社會各階層。