姆明 迪士尼手帳 下周五誠品開賣

2017年唔經唔覺得番3個幾月，做開文青都知，又係時候買番本新手帳迎接2018年。黛安成日行嘅誠品，下周五（22日）起就開辦手帳日誌展，網羅成200款手帳、桌曆同貼紙，隔日換一款都無問題。好受歡迎嘅日版姆明手帳，一向只係得水貨賣，今次終於喺誠品開設首個海外授權販賣點，款式齊啲外，價錢都特別抵，講緊係$84至$192；同場仲有令人瘋狂嘅迪士尼日版復古手帳，同三眼仔萬字夾呢啲得意文具賣，開心到震。

想低調又不失玩味，可以試下買刮式月曆，為陰沉嘅上班日刮出彩色行程。公關姐妹仲透露，今日（15日）起至下周一（18日）誠品銅鑼灣店雜誌首次推出85折優惠，鍾意日系雜誌記住要入貨了。