抹茶 × OREO甜品 McCafé有得試

黛安一向都係抹茶控，所有抹茶飲品和甜品都唔會放過。所以當我知道McCafé又推出抹茶產品嘅時候，已即刻拉埋姊妹去試！今次產品除咗用上產自日本名古屋愛知縣西尾市嘅西尾抹茶，仲係抹茶crossover OREO嘅系列，一次過滿足晒嗜甜人士嘅兩個願望！

今次系列嘅飲品包括豆奶抹茶同全新抹茶朱古力X OREO，兩款都係以出名茶色翠綠、香氣清幽、溫潤濃郁口感嘅西尾抹茶調製而成，各有凍熱選擇，後者嘅凍飲版更加會鋪滿厚厚嘅OREO脆脆，口感滿分！

黛安同姊妹仲試埋全新紅豆抹茶撻X OREO同埋千層蛋糕紅豆抹茶層層疊，我個人就鍾意個蛋糕多啲，鬆軟海綿蛋糕加上抹茶班戟皮、幼滑抹茶慕斯同埋紅豆粒，真係perfect match！