周六去富豪酒店 3折買LC煲

作為「入得廚房出得廳堂」嘅淑女，廚房入面點少得又靚又好用嘅廚具呢？熱愛下廚嘅姊妹注意喇，靚靚「港女煲」Le Creuset又搞Mega Sale啦！今次Sale會喺今個星期六起（9-12/9）喺富豪香港酒店內嘅富豪廳舉行，產品低至3折，仲會有10％回贈！每輪限定45分鐘㗎咋，大家要做定功課，目標明確先好入場喇。黛安噚日收到封LC嘅邀請信，原來喺公開Mega Sale之前，6號至8號會有限定環節，率先畀收到邀請嘅人士帶埋兩位朋友入場。各位姊妹唔好嬲黛安呀，唔使擔心，我一定留番啲靚煲畀大家！