明星柴犬做導遊 帶旅客遊舊城中環

柴犬好可愛呀！黛安知道旅發局最近搞搞新意思，搵嚟5隻住喺中上環逾7年嘅柴犬帶路，為「舊城中環」深度遊做推廣。唔講唔知，原來狗狗們外號叫「WE5」，平時最鍾意同主人出巡，唔止係區內風頭躉，在社交媒體上仲有過萬名「粉絲」，名副其實係狗明星呀。

今次「WE5」會化身成攝影師，透過身上特別改製嘅相機，游走區內藝術、美食等特色路綫，當相機感應到狗狗開心擺尾，就會影低當時身處嘅地方，短短兩日「WE5」就影咗400張相，認真叻叻！大家除咗喺旅發局網站睇到狗狗影嘅相同短片，遲啲仲會喺「舊城中環」多個地點裝QR code，等大家去到邊都睇到有關介紹！