消費權益新聞報道 《晴報》《經濟》齊奪獎

生活離唔開消費，所以黛安平日都好重視消費者權益，由消委會、香港記者協會和香港攝影記者協會合辦嘅「消費權益新聞報道獎」，噚日就舉行咗頒獎禮，聽講今次總共有249份作品參賽，創下近10年新高。

網媒作品 納入評審

消委會主席黃玉山教授致辭時亦提到，近年智能手機、社交網站普及，「消費權益新聞報道獎」亦要與時並進，所以今年首次將網絡媒體嘅作品納入評審範圍，令更多優秀作品都可以得到嘉許。佢亦深信透過引領唔同嘅媒體加入，可凝聚更大新聞力量為本港消費市場把關，捍衞大眾嘅消費權益。

黛安聽《晴報》和《香港經濟日報》嘅姐妹講，兩份報紙今年都攞到獎，《晴報》就在新聞攝影組以一幅「開幕不足4月，加州健身黃埔店突暫停開放，其後更全綫結業」圖片獲得銀獎；而同一集團的《香港經濟日報》，亦在文字（新聞/特寫/評論）組中，以一篇「酸味湯水藏高鈉陷阱」攞到銅獎，認真可喜可賀。