憑萬寧印花 $499換minions行李篋

講起城中換嘢熱點，當然唔少得萬寧啦！啱啱黛安先用印花換咗一個水壺返屋企，估唔到咁快又有新目標心思思想換了！到底換啲乜？之唔係熱爆全球嘅動畫《壞蛋獎門人》主角們minions行李篋同背囊等。黛安聽公關姐妹講，今次啲行李篋同背囊全部由法國大使牌（Delsey）整，唔只睇得，仲好襟用架，分別有成5年同3年保養，行李篋仲係雙重拉鏈設計，去旅行夠晒放心；背囊都合乎人體工學設計，小朋友揹住都一樣舒服。

最重要係，今次換購價低至22折！以原價$2,280嘅21吋行李篋為例，儲40個印花加$499就換到；想換背囊就更抵，用20個印花加$249就可以捧返屋企，足足慳$531，慳咗嘅錢想點用都得啦！