測量師學會辦比賽 推動深水埗發展

黛安早前與香港測量師學會會長何國鈞及該會幾位會員食飯，知道佢哋好有心推動學生認識測量專業，今年就首辦咗一項叫「區區有特色」嘅地區發展創作比賽，而佢哋揀選第一屆比賽嘅地區，就係區內有唔少特色景點嘅深水埗。

何會長希望學生喺比賽當中，透過同專業測量師的互動，走入社區了解城市嘅發展周期，推動佢哋認識測量專業及思考香港未來發展嘅方向，「希望呢個活動係延續性，做晒18區。」至於副會長兼比賽籌備委員會主席林力山就話，深水埗喺規劃及建築、甚至社區人情味都非常豐富，「區內有高登商場，年輕人最鍾意啦。」比賽由即日起至本月28日接受升讀中三至中六學生報名。（詳情可瀏覽：http://www.hkis-createyourdistrict.com/）