柴灣新影院 $28起睇好戲

黛安係一個電影迷，平日最鍾意嘅娛樂活動就係去戲院睇戲！最近對柴灣居民來講嘅好消息，就係闊別超過20年，柴灣再有新戲院落成啦！新戲院CINEMA CITY柴灣噚日正式試業，地點亦好方便，距離柴灣地鐵站僅5分鐘路程。

戲院唔單止配備最新數碼播放系統、超高清4K放映機及杜比7.1環迴立體聲音響，最正就係票價吸引，成人睇場戲只係$58起，每日首場票價更低至$28，就算零用錢有限嘅學生哥都負擔得起。黛安仲知道戲院為照顧不同觀眾需要，更提供保暖披肩、兒童座墊、手機充電池借用，咁貼心，大家不妨入戲院享受下。