VR水上電單車衝入德福 同悟空小雲玩轉新都城

暑假將至，唔想身水身汗，小朋友最好就喺商場玩，德福商場最近開咗個「水上樂園」，利用AR體感技術喺場內「養咗」殺人鯨、海豚、海象同企鵝等海洋生物，仲可以同牠們「互動」，相關技術仲係第一次喺亞洲展出！小朋友仲可以戴VR眼罩體驗揸水上電單車飛馳。想玩記得喺9月3日前下載MTR Malls App，成為Smart Telford會員後，憑即日消費收據就可玩一次。

另外，將軍澳MCP新都城中心就請咗日本漫畫大師島山明筆下小雲同悟空「來港」，仲有3米高滑梯免費畀小朋友體驗《IQ博士》嘅搞鬼世界。聽講悟空同小雲喺動畫裏面一早crossover過出場，但佢哋係首次喺香港攜手登場。同場有獨家聯乘精品Pop-up Store，整咗立體觔斗雲畀大家打卡，而且首次在港展出島山明動畫設定手稿。