台灣人氣造型師小P 海港城教扮靚

雖然年齡係女人嘅秘密，但皮膚管理得唔好，一眼就睇得出！所以黛安都好勤力護膚，早幾日海港城就邀請咗亞洲人氣造型師小P老師搞咗個分享會，好開心可以出席到，知道好多美容小貼士，真係收穫豐富，今個夏天一定可以靚靚咁見人啦！

面部按摩 別忽略鎖骨

正所謂世上無醜女人，只有懶女人。黛安對護膚一啲都唔求其，一定揀大品牌去買，最常去嘅就係海港城，嗰度由護膚品到化粧品，數得出嘅歐、美、日、韓等超過300個品牌都齊晒，真係好方便。上星期來自台灣嘅造型師小P老師就嚟咗香港，喺微博Live住帶你行海港城美粧重地，足足有超過2,800萬人觀看，真係咪睇小女人愛美嘅力量！

有留意開美粧嘅朋友，都應該認識小P老師，佢曾經係大S、小S、徐若瑄等當紅藝人嘅專屬造型師，佢主持嘅網上視頻節目「魔法課堂」，開播5年來總共有20億人次觀看，好驚人！而日前小P老師就喺分享會上，教大家一套面部按摩手法，原來要由塊面一直按摩到鎖骨先有效，千祈唔好忽略最易透露年齡嘅頸紋。

為迎接夏天，黛安又係時候換護膚品，公關姐妹話我知，海港城做緊「Beauty Bloom」活動，即日至6月8日，喺美容、個人護理店買滿指定金額，就可獲得現金劵或美容禮品。叫埋班姐妹一齊買，就一齊拎優惠！