中銀百周年換新裝 「鐵樹銀花」閃爆登場

影相時打燈打得靚，個人都當堂醒神啲。原來唔止係人，建築物啲燈打得靚一樣唔同晒﹗黛安早前行過中環中國銀行大廈，見到大廈外牆啲燈光唔同晒，成幢有66年歷史嘅建築物都堂當後生番。問番公關姊妹，先知原來為咗慶祝中銀在港開業100周年，銀行方面特登請人以「鐵樹銀花」為主題，幫大樓重新「亮起來」。

講番啲燈光布置都好花心機，設計先用泛光燈同地燈打出建築物嘅輪廓同層次，跟住用窗櫃和樓頂嘅燈帶同變色燈來凸顯細節，最後仲喺紅色銅板上面，裝咗啲隱蔽燈條來突出番上面嘅「如意圖案」，燈條仲可展示電腦動態符號同圖案㗎，真係動靜皆宜。啲燈光咁用心機，自然令香港呢顆「東方之珠」嘅夜景又再加分啦﹗