AEON Festival開鑼 主打有機環保貨

黛安嘅夏日首選就一定係入商場歎冷氣「濕平」。AEON為咗慶祝開業30周年，今年會舉行四次「AEON Festival」！而第二彈活動今日（26日）開鑼，直至6月7日結束。今次更以「環保」做主題，推介各類環保產品，包括有機蔬果、無添加化粧品、節能家電、無化學物質及符合生態保育原則嘅海產等等，鼓勵大家一齊投入綠色生活。

黛安亦留意到電器方面有唔少筍貨，好似Panasonic 4K超高清智能電視由$9,590大劈價至$5,990，而三菱電機雙門雪櫃由$3,780減價至$3,000，價錢非常吸引！

推廣期內更舉行「AEON與你遊走大自然大抽獎」，凡喺AEON分店或網上購物滿$300，即可在網上登記參加抽獎，有機會贏得雙人日本立山黑部5天之旅𠻹！