城巴靚女司機粉絲多 fb現新專頁

入職城巴兩個月嘅80後靚女司機劉家穎，由於樣子甜美，出車幾日已獲巴士迷洗版，早前掀起全城熱話。最近黛安就留意到fb有個叫做「劉家穎城巴女車長」嘅新專頁出現，分享女車長生涯嘅一點一滴。噚日短短一個下晝咋，黛安就見證其粉絲數目急增逾千人，截至傍晚六點已有2,200幾人讚好。

聲言係女司機嘅版主前版喺專頁分享，好開心成為巴士公司一員，雖然有時收工好攰，但會努力做好呢份工，因為佢真係好熱愛駕駛巴士。佢又憶述無諗過入職唔夠一個月，就已因被市民追住影相而搞到上電視咁轟動，雖然網友對佢有讚有彈，但佢會做好本份，打醒十二分精神應付路面嘅突發情況，希望證明畀大家睇「男仔做到嘅嘢女仔都一樣做到」喎。黛安都好欣賞小妮子呢股充滿正能量嘅幹勁，加油呀！