希慎做旅遊推廣 澳門船票買二送二

噚日滂沱大雨，黛安出去銅鑼灣食飯，已經搞到成身濕晒。途中經過希慎廣場，見到靚女「香香」岑麗香同森美竟然仲喺戶外主持活動，真係敬業樂業！

佢哋咁落力，原來係幫噴射飛航同澳門旅遊局宣傳，黛安都停低聽咗一陣。唔講唔知，原來嚟緊幾個月澳門盛事多籮籮，除咗會舉行世界女排大獎賽，仲有8月份嘅澳門武林大會、9月嘅國際煙花比賽滙演、11月嘅澳門美食節及格蘭披治大賽車等，難怪香香話工作再忙都要去澳門玩番轉。

提提大家，今、明兩日（25-26/5，10am-9pm），希慎廣場仲會舉行推廣會，市民可以買2套送2套嘅優惠購買來回澳門船票（普通位）。不過數量有限，賣完就無㗎啦！另外6月21日起，噴射飛航仲會安排電車巡遊港島，送出獎賞及優惠套票，詳情記住留意噴射飛航網頁！