$9試食7-Eleven新口味飯糰

黛安同唔少香港人一樣，對和風口味嘅美食都情有獨鍾，日本嘢真係食極都唔會厭呀！最近得知7-Eleven香港早前同日本團隊合作，經一年努力秘製出4款全新配方嘅日式飯糰，呈獻嶄新嘅御之簡食飯糰，真係不得不推介一下。

7-Eleven團隊係從市場研究中，總結出4款最受港人歡迎嘅口味，包括照燒鰻魚、炭燒雞肉、麻油三文魚同吞拿魚沙律。為咗製作最正宗嘅和式飯糰，生產過程非常嚴謹，包裝、紫菜、米飯及餡料，都係百裏挑一嘅最佳組合。

話明係飯糰，啲飯好唔好食亦好關鍵。佢哋經數個月嘅測試，研究出米飯浸泡與烹煮時間嘅黃金比例，再以秘製日式鰹魚高湯調味，帶出米飯獨有嘅香甜味道；又使用產自日本嘅紫菜，入口極為香脆。即日至下周二（30/5），飯糰更會以優惠價$9發售，真係要嗱嗱臨去指定分店試下先（詳見︰https://goo.gl/VQkNqH）。