體壇美女 勉勵學生運動員堅持

近排黛安睇報紙，不時睇到有香港體壇小將創佳績嘅新聞，令人相當振奮！查實香港真係有唔少出色嘅運動員，細細個開始就努力訓練。好似噚日喺伊利沙伯體育館舉行嘅第12屆「屈臣氏集團香港學生運動員獎」頒獎典禮，呢個獎項可以話係香港青少年體壇的年度盛事，今年就一共嘉許了898名傑出學生運動員，年紀最細只有7歲！有啲同學已列入精英運動員隊伍，多位同學更曾代表香港參加國際賽事𠻹！

大會昨亦請來2位「美貌與實力」俱全的體壇美少女出席典禮，包括於初中時曾榮獲該獎項、2017年度亞洲田徑大獎賽（台北站）跳高金牌得主楊文蔚，以及2016里約奧運香港游泳代表隊隊員江忞懿，分享體壇奮鬥故事。其中「大師姐」楊文蔚便勉勵一眾得獎師弟師妹︰「面對困難和挑戰，我們不應退縮，更應好好裝備自己，對自己有信心，等到機會一到，就可以全力以赴向目標前進，千萬不要輕易放棄。」江忞懿就稱，「夢想並非遙不可及，我們要堅持大會『Yes I can！我敢創未來！』的信念，為自己人生寫下值得驕傲的一頁。