帶Calbee薯片毛巾去沙灘 有得食有得瞓

夏日臨近，最適合叫齊成班好友去沙灘玩樂，零食當然必不可少，Calbee+香港之前推出咗香港限定嘅卡樂B宅卡B熱浪香辣味薯條禮盒同薯片抱枕，大受歡迎，今日卡樂B將會推出Crossover系列第二浪，係香港限定嘅限量版卡樂B宅卡B燒烤味薯條禮盒，一盒有6包，售價$59。

今個月26號開始，仲可以喺指定日子購買限量版香港經典之味珍藏套裝，除咗燒烤味薯條禮盒，套裝仲包括1:76紀念巴士模型，同埋卡樂B薄餅味薯片沙灘毛巾，一套售價$498。另外，喺指定日子買兩件燒烤味薯條禮盒，亦可用$98換購卡樂B燒烤味薯片沙灘毛巾1張。兩款毛巾都相當搶眼，帶埋去沙灘，立即化身型格潮人。