太古城全港最大烹飪室 用LC廚具學煮餸

如果大家愛煮食，又係法國廚具Le Creuset粉絲就要注意！日本人氣烹飪教室ABC Cooking Studio將於今個月26號，喺太古城中心開全港最大、佔地2,600呎嘅料理教室呀！新教室有13張烹飪枱，可容納超過50人同時上堂，又可以用教室內所種嘅羅勒、蕃茜、薄荷葉等，實行全新From Farm to Table煮食概念。

新教室將會同LC廚具合作分別推出大人、小朋友嘅料理班，大人可以學整咖喱雞、芝士包，小朋友就可以親手炮製蛋卷壽司、味噌湯。黛安聽朋友講，小朋友班仲會學到科學常識、食物營養價值、用餐禮儀等，有得享受入廚樂之餘，又學到新知識，真係一舉兩得呀！提提大家，兩個料理班最先報名嘅40人，可以分別獲贈LC矽膠心形隔熱墊或陶瓷嬰兒杯，記住唔好錯過喇！