下周五開鑼 一田優惠日買滿$2000 免費坐GoGoVan回家

提起一田百貨，大家會諗起咩呢？走在消費最前綫嘅黛安，當然諗起半年一度嘅購物優惠日啦！無錯，今個月26至30號就開始喇！優惠多籮籮，其中雞仔嘜童裝背心1折起，唔使$10就買到，DYSON座地式無扇葉風扇62折後$2,980。今次仲加開九龍灣國際展貿中心、東港城同MOKO臨時展場，連埋6間分店，有9個地點咁方便，總有一間喺你附近嘅！

只限25-26/5 首100位客人

噚日黛安同一田CEO黃思麗（Susanna）食飯傾開，為方便一眾粉絲血拼，九展會早一日加開優先場畀VIP，又破天荒同Go Go Van合作，「除咗有穿梭巴士來回沙田，每日首300名消費滿1,000蚊嘅客人，會即送20蚊GoGoVan優惠；如果想再着數啲，就要喺25同26號爭做首100位買滿2,000蚊嘅客人喇，因可以免費坐GoGoVan，連人帶貨返回家呀！」嘩，咁筍，黛安都係鎖定買啲咩先！

難得見到CEO，梗係要問下最關心嘅開分店消息啦！原來除咗今年初落戶西環、7月同年底喺將軍澳同葵芳開店之外，一田版圖將擴展到元朗YOHO MALL呀！新店超過2.1萬平方呎，以Go Green、Go Nature為概念，木色為主調，主打超市食品及家品，今年10月就同大家見面！