中醫藥流動文物館 今起出巡

講起同仁堂好多人都諗起中藥，但有340多年歷史的北京同仁堂其實仲保存咗好多文物㗎。由今日（12/5）開始，佢哋就安排咗架「中醫藥流動文物博物館」車巡遊港九新界，展出早在明末清初鑄造嘅針灸銅人、清代科舉考生嘅平安藥小瓷瓶、仲有古代醫師用來招徠生意嘅銅製串鈴等文物；參觀者仲有機會免費飲到生津解渴嘅新產品「山楂露」𠻹。

除咗睇文物，流動車仲會不定期落區，為長者及有需要人士義診，想知幾時去到你嗰區，就要留意番「北京同仁堂香港」Facebook專頁了。