茶餐廳鉛筆 宣揚港飲食文化

施德樓鉛筆，黛安細細個都有用啦﹗為咗紀念灣仔專門店登陸香港1周年，最近施德樓就推出3款以「茶餐廳」、「街頭小食」及「茶樓」為主題嘅限量鉛筆套裝賀一賀，港味十足，每款限量1,250套，賣$45。原來施德樓有感香港飲食文化都係中西夾雜，喺香港城市發展中佔重要且有趣嘅地位，所以特登「出筆致敬」。今次賣筆收益扣除成本後，仲會捐出20％畀食物回收組織「食德好」，真係有文化又環保啊！