母親節優惠 媽咪免費坐摩天輪

母親節帶媽咪去邊度玩？黛安近日都諗到頭痕。不過最近收到風，原來仔女喺母親節正日（14日）帶媽咪去位於中環的香港摩天輪，媽咪即刻會有1張普通車廂的免費飛，正宗享受「天輪之樂」。所以母親節去坐下摩天輪慶祝，計落都算價廉物美。

講到抵，不得不提埋山頂纜車129周年的長者優惠啦。年滿65歲以上的香港居民，由下周一（15日）起至6月30日（6月5日至6月9日除外），用$1就可以搭單程纜車上山頂；想來回咪畀$2囉。如果再「豪」少少，畀$9就有來回纜車摩天套票同紀念版明信片一張，老友記齊齊去玩實開心啦；不過注意優惠只可以用1次㗎咋。