卡樂B限定青豆脆條 夠清新

零食達人注意！全新卡樂B限定「田園青豆脆條」推出喇！黛安梗係第一時間幫大家試食啦，聽講選用咗加拿大原粒青豆烘焗製造，青豆形狀嘅脆條含有65％青豆成分，咬落去外脆內鬆，豆味濃郁，的確係唔錯！青豆脂肪含量低，又係輕鹽版，加上佢有膳食纖維同蛋白質，補充能量之餘又可以促進腸道蠕動，啱晒一班愛零食又注重身形嘅女士們！

去指定超市買青豆脆條同時，記得買埋其他卡樂B蝦條產品呀，因為只要購物滿$20，就可以即抽即贏走全新限定、日本超人氣嘅卡樂B蝦條吉祥物「河童蝦家族」精品！