恒隆招惜食達人 親嘗有機耕作

政府數據顯示，香港人平均每日製造超過3,600公噸廚餘，重量相等於312架雙層巴士，認真係「大嘥鬼」。為咗唔好畀呢股風氣延續落去，恒隆同環保團體「食德好」合作，招募咗40名小學生擔任「惜」食小達人，學習從源頭減廢。

恒隆助理董事（項目建設）甘耀明（Wilfred）日前就同佢哋一齊參觀有機農場，了解廚餘處理方法，亦認識低碳、有機的耕作法，包括魚菜共生系統，仲親身落田耕作，並且利用廚餘製作環保手工肥皂等。Wilfred話︰「透過同小學生一齊學習同日常生活息息相關的廚餘議題，希望新生代可多角度了解自己都可為社會的可持續發展努力！」真係好有意義呢！