一田購物優惠日開鑼 下周二eShop 3折掃貨

黛安等到頸長，終等到半年一度嘅一田購物優惠日！雖然購物日5月尾（26-30/5）先開鑼，不過一田eShop就率先喺下星期二起（9-14/5）打響頭炮，以低至3折價錢賣筍貨，貨物種類多達300款，並新增各區順豐站自取服務，方便大家喺網上大買特買！

eShop除咗有一向大熱嘅床品同旅行篋，仲力推家居服及卡通雨傘，包括首次推出Craftholic（奸夫）旅行篋、經典Sanrio床品，而最搞鬼嘅就一定係Sailor Moon及龍珠家居服，沖完涼換番套cosplay睡衣，瞓覺都開心過人。不過，姊妹要留意，今次各搶手公仔萌物會喺指定日期限量發售，想買就記得mark實開賣日期。

網上購物單一簽帳滿$900即減$25，每次簽帳最多可減$100，每日名額有限，額滿即止。姊妹更可選擇免費到店取貨，或畀$35到指定順豐站自取或在家中等收貨，唔使同人逼啦！

一田6間實體店嚟緊亦會有優惠日，仲加開九龍灣國際展貿中心、將軍澳東港城及旺角MOKO特別展場則會在本月26至30日推出優惠。