台灣專家教2招護膚 夜敷面膜 日拍化粧水

愛美不再是女士的專利，男士亦需護膚保濕！黛安最近出席森田藥粧旗下醫美品牌Dr. Jou嘅產品發布活動，學到唔少護膚貼士呀！

今次特登由台灣飛嚟香港嘅Dr. Jou品牌執行長周俊旭博士分享，平時大家用嘅玻尿酸面膜可能只有一種玻尿酸成分，但今次佢花咗1.5年時間，同日本技術團隊共同研發，推出世界首次含有六重玻尿酸嘅面膜。嘩！認真犀利，好想即刻就試用呀！佢仲教大家，其實護膚程序唔需要太多，夜晚敷面膜後將面膜精華液塗喺面上，睡醒後洗臉，再輕輕拍上化粧水同精華液就得。如果大家經常出入冷氣地方，除咗勤敷面膜，記得要飲夠8杯水呀，皮膚先會充滿彈性！

女神盡用精華液 塗手腳

黛安喺同場見到新一代仙氣女神陳雅思（Bonnie），原來佢係Dr. Jou代言人！皮膚白滑溜手嘅佢大爆自己每朝做sit-up時，都邊敷面膜邊做運動，「敷完仲會將面膜塗精華液塗喺頸、手、腳，希望所有部位都吸收精華！」屈臣氏貿易總監陳馥蘭補充，知道唔少男士、女士都愛美，打算今年內再引入Dr. Jou其他產品，等大家唔使飛去台灣就買到，果然細心周到呀！