McCafé買飲品 加$15換復活彩蛋

仲有一個星期就復活節喇！復活節點少得復活蛋呢？細個嘅時候，爹哋媽咪總會買復活蛋朱古力畀我哋應節，今時今日，我亦將呢個傳統傳承落去，每年Easter都會買復活彩蛋送畀兩個姨甥。

三層滋味 配棉花糖

最近獲悉，原來McCafé下個星期一（10/4）就會推出「Easter Rainbow Egg復活彩蛋」，睇個造型已經可愛到爆，一定俘虜到好多少女同小朋友嘅心！所以黛安已決定今年買佢畀姨甥！呢個復活彩蛋足足有三層口味，底層係芒果慕絲，中間係酸酸甜甜嘅紅桑子慕絲，最頂就係白朱古力慕絲，再加上彩色棉花糖，就好似小白兔咁可愛。黛安已經急不及待想知道幾多錢，原來只要買指定飲品一杯，就可以加$15換購一隻，仲有4件裝嘅兔仔禮盒。造型真係萌爆，實在令人愛不釋手啊！

提一提大家，呢個復活蛋供應期有限，售完即止。留意番，售賣點係唔包括香港國際金融中心和合和中心McCafé㗎。