沙田秘密花園 手機一掃拎走名牌折扣

着衫唔止係一門學問，仲係女人永恒的藝術。深諳女仔shopping癮的沙田新城市廣場，今期就請來曾獲英國V&A博物館插畫大獎的波蘭籍時尚插畫家Przemek Sobocki，喺商場裏面搞咗個秘密花園——《Spring Secret Garden》春日時裝展，夠晒藝術氣息。

場內仲有Sobocki為Bally、MAX&Co.等品牌設計的Pop Up櫥窗，輪流展示今年最新春夏時裝潮流，行過睇完再用手機掃描櫥窗上的QR Code，仲有機會獲得多個獨家禮遇，例如係Michael Kors買滿$8,000，就送個價值$2,400蚊的手袋仔等，折扣優惠價值隨時超過$5,000㗎！

場內仲搞咗個時尚工作坊，只要喺商場以電子貨幣消費滿$1,000，就可以kate spade new york、Lush等品牌主理的攤位整個人化配飾、禮品或學啲着衫貼士。