太古城冰上泡泡足球 踢波從此不怕熱

要踢波毋須等好天的！太古城中心冰上皇宮今個月起就會搞搞新意思，推出全港唯一一個「冰上泡泡足球」活動，2,000蚊就可以book場30分鐘，着起「泡泡」球衣在冰上同親朋好友「撞出火花」，刺激之餘又好玩搞笑，拍埋片放上fb、IG一定多人Like啦。

公關姐妹透露，活動源自丹麥，想玩都唔使好多裝備，只要着番自己對波鞋同用番大會提供嘅泡泡衫，就「任跌唔嬲」㗎啦。不過想book場要留意，因為逢星期日只得三個時段有得玩，而且最少兩個星期前就要預訂。不過，如果係學校或者團體第一次訂，最多可以用半價就有得玩！