奧海城×F1 Kids 小朋友做型格車神

復活節假期仲未諗到去邊？聽公關姐妹講，奧海城喺前日起至19號，聯同F1 Kids舉辦「兒童格蘭披治賽車」，可以畀一班愛刺激嘅小朋友型番轉！

三條賽車賽道名為「小巨蛋」、「大白兔」和「特大白兔」，着埋套戰衣，簡直賽車手一樣！而入場費都幾合理，可以係F1 Kids Mobile App預先購買指定時段門票，現場亦設有售票處，由最平嘅5分鐘25蚊至10分鐘65蚊。不過參賽者必須係3至8歲，仲一定要有18歲以上嘅大人陪同啊！

快樂嘅時光梗係未完啦！場內特別開設「Bandai復活扭蛋農莊」，有超過300部扭蛋機、逾200款扭蛋等你扭，仲有$5特價扭蛋區，聽姐妹話，有好多新款扭蛋機都係呢度第一次亮相。嘩！唔好話小朋友興奮啦，黛安都想去扭埋一份！