白松露之王再揚威 登全球最佳餐廳榜

香港叫得做「美食天堂」，又點少得好食的餐廳。黛安呢排睇「世界50最佳餐廳」頒獎禮，發現由米芝蓮三星世界名廚、人稱「白松露之王」Bombana Umberto創辦的餐廳8½ Otto e Mezzo BOMBANA夠晒威威，一口氣升咗26位，依家排緊係世界前60位，睇來遲啲訂位又難book啲了。

除咗香港，亞洲其他餐廳都好叻㗎﹗好似今年2月啱啱先入圍「亞洲50最佳餐廳」的東京龍吟就再下一城，在全球排第52位，是今次排名最高的亞洲餐廳；新加坡的Burnt Ends就緊隨其後排第53位。至於喺「亞洲50最佳餐廳」拿到最佳新餐廳獎得主的新加坡餐廳Odette，第一次入圍「世界50最佳餐廳」就排86名，真係夠晒「食力」。睇落黛安嚟緊都要儲定多啲銀彈，去旅行時一定要橫掃晒咁多間正食店先得！