義賣TOMICA車仔做善事 MegaBox跳貨車型彈床

TOMICA車，好多小朋友都有玩，但可以在TOMICA車上跳彈床，你又試過未？黛安噚日行過MegaBox，原來商場請來全港首個TOMICA超大型彈彈裝置進駐！呢個高13呎、闊38呎的TOMICA合金貨車型彈床有埋滑梯同波波池，啱晒喺復活節用來訓練小朋友的大小肌肉啦﹗

設置巨型扭蛋機

公關姐妹話憑即日消費或Mega Club積分都可玩到彈床，同場仲有期間限定TOMICA店同大型城市場景模型展，又有巨型扭蛋機畀客人「扭出」合金車及DVD，獎品價值近$10萬！適逢MegaBox 10周年，來玩都可以做埋善事，喺5月3日到場以$10義賣價買車仔，收益全數捐畀智樂兒童遊樂協會；大會合共會義賣同送出近2,000部車仔畀客人，將快樂分享到各方。

講開復活節，屯門市廣場都有新搞作，4、5月會同美容商戶搞「Beauty Party」，憑場內餐飲消費發票可換指定化粧品、護膚品折扣；調番轉買完美容產品攞單去食肆一樣會有得平！預計優惠可刺激呢兩個月的營業額到突破$14億，比去年同期升8％㗎。