春夏果藝市集 明日PMQ開鑼

天氣和暖，周圍都好似特別色彩繽紛，PMQ元創方明日（23日）至今個月26日會舉行春夏限定的「果藝市集」，引入超過20個以水果為元素的精選攤位，包括美食餐飲、多國新鮮水果、水果宅配服務、有機健康產品、護膚品、手作精品及調味品等，例如推出由PMQ Taste Library（味道圖書館）同喜力（Heineken）合作嘅蘋果酒馬卡龍，限量100個咋！

除咗大人開心，果藝市集亦有好多適合親子的活動，包括有一系親子工作坊，將水果同創意融為一體，例如有「再生玩具店X BUSYMAMA體驗坊」，以水果為主題，鼓勵小朋友發揮無窮小宇宙，製作一個色彩繽紛的水果減壓瓶，環保性極高，亦為近期壓力爆燈的小朋友提供一個減壓好方法！