csl.挑機 鬥網速送積分換機票

手機上唔到網有幾痛苦？相信大家都知。早前就有傳媒測試四大電訊商既網速，結果話csl.包尾，CSL Mobile市場營銷總裁林國誠（Bruce）噚日就宣布會有大反擊，向各大電訊商和全港市民「挑機」！

遊戲規則係點？Bruce話今個星期六、日，下午4時至6時，csl.會喺旺角西洋菜街、尖沙咀海防道及銅鑼灣駱克道SOGO後一帶，同市民一齊用OFCA通訊辦寬頻速度測試軟件比拼網速。所有參加者都可以獲得50分The Club積分，如非csl.客戶，又喺網速上勝出，更可獲得1萬分，每個地點每日有10個1萬分名額。而csl.客戶就以測試出來既網速來得分，例如測出100Mbps便可得100分，餘此類推。

1萬分The Club積分可以換到咩？根據csl.網頁，4,500分可換到來回香港、台北機票一張。睇來csl.今次都對佢地嘅網速非常有信心，皆因勝出者嘅禮品都好豐富啊！