為婦女打氣 社企明日觀塘派花茶

現代女性好多時又要打工，又要做家務同照顧仔女，絕對唔輕鬆。好彩呢番辛勞絕對唔止自己一個知道，社企「健絡理療」明日（8日）就趁婦女節，喺觀塘巧明街安盛大廈對開空地大派「蝶豆花茶」，幫在職姊妹們打打氣；花茶會喺中午至下午2點期間派發，大家食晏時記得拎番包啦！

聽公關講，今次派茶行動係想提醒各位姊妹，家庭同事業雖然重要，但唔好唔記得「愛自己」，得閒tea一tea都好重要。而「蝶豆花茶」原來都有好多功效，好似可以防止胃痛啦、抗壓啦、鎮靜同緩和情緒，最啱成日好緊張的雙職女性，仲可以促進皮膚彈力同骨膠原𠻹，飲完又靚又醒自然成個爽晒。