豐澤大減價 電飯煲電腦半價

姊妹們注意，又有大減價啦！豐澤推出激安家電優惠，由即日起至3月26日，超過500款精選減價品低至3折發售，黛安咁鍾意「濕平」，當然唔會錯過今次難得嘅機會啦！睇睇先，微電腦電飯煲原價$1,298，半價後$649咋；筆記簿型電腦原價成$2,000，減價後同樣半價就買到；如果想換部大啲電視機，機會嚟喇，55吋超高清液晶體電視本身賣$2萬，依家劈價$1.37萬就有交易！

講起掃貨，黛安真係幾日都講唔完呀，再睇清楚減價清單，咦？有樣產品好適合呢個天氣用呀，近日時冷時濕，25公升抽濕機本身賣緊$4,000左右，依家66折，即係$2,690就買到，真係好少見做呢個價，有買趁手喇！大家留意番吖，逢星期五豐澤會額外推出3件「揭底價」產品，最新包括1,400轉前置式洗衣機，原價差唔多要$6,000，折後$3,190咋。今次所有優惠如果用埋指定銀行信用卡，仲可享簽帳回贈，抵上加抵！唔好等喇，即刻去買啦！