Asia Miles CEO 教用里數做善事

用「亞洲萬里通」shopping賺返來嘅里數，除咗可以換機票、酒店、餐飲優惠，仲可以做善事！噚日同「亞洲萬里通」CEO黃思遠（Stephen）食飯，佢同黛安講，話公司積極開發更多樣嘅兌換計劃，除咗用里數來換機票，仲可用里數換取參加UNICEF慈善跑資格、換medical kit畀有需要嘅人士等，話希望消費可以令你的人生更加精采！

飯局上黛安仲撞到「里數達人」小斯，教在場姊妹點可以使住錢賺里數。佢話其實日常生活處處都「有機」，平時去超級市場買日用品，不妨分發易賞錢附屬卡畀家人，一家人齊齊在同一個戶口儲里數；口痕去便利店買嘢食前，事先將電子貨幣同電子錢包綁定去可賺里數的信用卡，1蚊都唔使帶出街輕輕鬆鬆賺一筆；甚至用指定電訊商交電話費都可以賺里數！Stephen仲補充，話今年Asia Miles會員人數突破900萬，嚟緊會推出多元嘅服務，大家記住留意Asia Miles的網站啦！