老店鐵閘塗鴉 5月推App導賞

鐵閘不懂得說話，藝術家卻為它們注入生命。黛安近日行過灣仔、上環、西營盤，喜見茶餐廳、海味雜貨、活板印刷、水族用品等店舖嘅鐵閘，改頭換面恍如重生，細問之下，原來係香港青年藝術協會、渣打香港150周年慈善基金主辨及贊助的「城市閘誌」社區藝術先導計劃，邀請咗6位藝術家為20間舖頭，度身訂造獨特且富人情味的鐵閘畫作。好似上環「德成海味」嘅鐵閘，由藝術家黃建豪及Smile Maker合作，因為店主熱衷老香港情懷，藝術家大膽以中式山水畫風配合塗鴉技巧，繪畫出漁港歷史情懷。而灣仔嘅「利工民」，藝術家黃志豪就喺鐵閘畫上名產品綫「金鹿」與店主三代人手牽手圍圈，代表傳承及親情溫暖。

黛安知道，為鐵閘添上生氣需要6小時至數天，仲有數個鐵閘嘅畫作會陸續完成。「城市閘誌」將會喺5月推出流動應用程式，為大家提供鐵閘嘅導賞路綫，詳情密切留意香港青年藝術協會網頁喇！