羅氏少年科學家獎 學生創意優化生活

不少人覺得科研是遙不可及的事情，不過黛安就覺得科學同我哋息息相關。今年踏入第3屆嘅「羅氏少年科學家大獎」，就鼓勵年輕人發揮創意，第二次入圍嘅聖公會李炳中學學生，受早前鉛水事件啓發，利用益生菌去降低鉛含量，希望以科學去幫助社會，真係好有意思。

唔講唔知，每兩年舉辦一次嘅羅氏少年科學家大獎，自2012年至今已有超過500名中學生參加。今年有15對隊伍入圍，聖公會李炳中學領隊副校長勞老師話，活動提供咗一個很好嘅另類學習機會，激發同學對科研嘅興趣，對推動科學教育很有幫助。

今年就安排咗一個「師友工作坊」，邀請來自科大嘅學生升呢做「老師」，同一班參加者分享心得。其中Ming就希望自己從事科研嘅經驗可幫到參賽同學，除工作坊外，每星期都會見面傾下點樣做得更好，令到研發出來嘅科研產品可融入生活、社會所需，好似醫療及衞生等範疇，真係要畀個讚佢哋！