荃灣千色匯大變身 走年輕路綫

商場要保持吸引力，走向年輕化是大勢所趨，黛安都鍾意閒逛Young場！恒基兆業地產旗下購物商場荃灣千色匯將完成全面優化工程，近50個新商戶進駐，有大型女裝連鎖店、日韓風格時裝同護膚品牌，包括前馬來西亞華裔小姐冠軍、藝人楊秀惠的「Beauty Trend by VY」，標榜無害美肌及經自我測試的「袁彌明生活百貨」，韓國護膚品及化粧品原裝直接進口的Cosmo House，以及大受歡迎的759 kawaiiland。

食肆數目亦增多，標榜健康烘焙的西班牙品牌Bellsola首次落戶香港，還有經常大排長龍的天仁茗茶等，以及提供日式美食的牛摩．麵道等。優化之後更新增空中花園作為休憩空間，亦設有育嬰室，提供舒適環境照顧嬰孩，各位姊妹真係要多啲去行街啦！