黃大仙中心今午派888份福包

今日是正月初七人日，即係人人都生日，黃大仙中心今年繼續承接舊年嘅傳統，會喺今日人日免費派發大仙福包，總數有888份咁多，寓意「發發發」，認真好意頭！今年派發嘅福包，仲係經由嗇色園黃大仙祠法師道長「灑淨」及「祝福」，旨在祝願大家新一年大小平安、大吉大利。

除咗大仙福包之外，黃大仙中心仲會喺今個星期六、日，免費派發經黃大仙祠法師道長開光的「黃大仙師卡」，卡上印有「黃大仙師寶像」及「黃大仙寶經」，寓意保佑萬事大吉、歲歲平安，總數有1,000張。