屈臣氏消費最高 獎你60秒免費掃貨

大家有冇試過一分鐘免費任掃貨？未試過？唔緊要！公關姊妹同黛安講，屈臣氏趁新年就到，推出「愛‧歡聚」活動，包括會員在港澳屈臣氏分店、網上商店消費滿300蚊即送50蚊現金券，滿800蚊更送50蚊現金券3張；由即日至本月27日推廣期內，於港澳門市累積消費最高的3位會員，即可參加一分鐘免費任掃貨，獎品真係好吸引呀！

新年優惠當然唔止咁少啦，易賞錢會員由即日至27日，喺指定屈臣氏分店購物，有機會獲享全單免找數，大家冇睇錯，係唔使錢「濕平」呀，每間分店只有1個名額咋。公關姊妹話多買多送，其他禮品仲有護膚品、蟲草雞精、厚肉冬菇、賀年全盒，如果網購滿1,999蚊，可以換埋金水晶色幸運麻雀添，實行全家開開心心過肥年！