雞年生肖八達通 下周三$288開賣

話咁快農曆新年又來了，要過個醒目雞年，朝朝拎張「金雞報曉」珍藏版八達通出來嘟一嘟就至醒神啦﹗今年呢張雞年八達通限量得2,000套，下星期三（1月4日）起，喺全港的港鐵站7-11都有得賣，$288就可以拎到手，朝早7點就開售。不過要留意，呢個價錢唔計按金同儲值額㗎。

公關姐妹就話，今年已經係第9次出用生肖做主題的八達通，一套有成兩款成人版八達通卡，實行好事成雙。講番個設計，今年用咗傳統中國工藝設計來突出新春喜氣，仲有埋發卡序號印喺卡面，自然夠晒矜貴，而且張卡唔止睇得，同一般八達通一樣都係全港度度都用到，新年出街一家大細用來嘟過閘，威都威過人啦。