中銀合唱團聖誕獻曲 送上祝福

上星期五（23日）食飯時間路過中銀大廈正門，畀一陣美妙嘅歌聲吸引住，不禁要停下腳步細聽，原來係「兒童發展配對基金」喺中銀門口舉辦咗個「聖誕頌歌節」活動，希望透過歌聲同歌曲，為途人送上祝福，傳遞關愛信息。中銀香港工商金融部總經理謝小玲仲到場欣賞表演，為合唱團及在場義工打氣，鼓勵員工身體力行回饋社會。

今次中銀大廈「聖誕頌歌節」活動嘅表演團體，包括中銀香港合唱團、自由人歌隊同老友記中樂隊。當中，中銀香港合唱團仲串燒20幾首歌，一口氣演唱經典聖誕同勵志歌，包括《Silent Night》、《明日恩典》、《強》等，令到在場觀眾都拍爛手掌，聽出耳油呀！