海港城氣球月曆 好玩又實用

又到新一年，想令日子煥然一新，擺番個新月曆喺枱頭就最貼題啦﹗臨近年尾，黛安都收到唔少新月曆，得意盞鬼嘅又有，文青學者風嘅都有，個個都咁特別，真係唔知點揀好。

講到最特別嘅，黛安就覺得係海港城送嘅月曆啦。新一年個個都想事業蒸蒸日上，又想成日可享受豪華假期。海港城呢個熱氣球月曆唔單止意頭好，仲好好玩𠻹，隨盒會送埋幾個一撳即脹嘅熱氣球波波，加上立體枱曆設計，嚟緊生活一定多姿多彩啦！

Times Square出嘅文青風格月曆亦好靚，上面用繪有童畫風森林人物，陪大家過每一日，仲襯埋個仿木基座，下年仲可以留番來放卡片，夠晒環保抵讚﹗

天氣相集 長者操刀拍攝

之但係，日日困在辦公室，好少機會見到藍天白雲，掛番個天文台的氣象月曆就夠晒醒神。唔講唔知，今次月曆用咗唔少長者安居協會「老友記」影嘅靚相，由薄霧、閃電到結霜等特別天氣現象都有。黛安就最鍾意1月嗰張係結霜下睇大佛嘅相，望住都覺得凍啲，咁先襯番冬日氣氛嘛！