誠品太古店 辦園遊會賀1周年

現代書店唔止賣書，更成為一種生活品味。黛安最常去嘅誠品生活太古店，為慶祝一周年，將於本周五至六（6至7日）舉辦「生活小意思」園遊會，大家可做下「文青」兼參加逾10個迷你手作體驗！

園遊會將設11個專櫃品牌，提供免費15分鐘迷你體驗，只要憑免費派發嘅集印卡，即可參加由KINSOLE眼鏡工匠教授調較鏡臂、清洗眼鏡，以及由ibility教導運用傳統嘅剪紙技術製作立體賀卡。只要完成5個體驗，即可免費參加紙膠帶工作坊，或艋舺肥皂—紫草膏及護手霜製作班等！周五至日（6至8日）於專櫃消費滿300元，即送上誠品生活50元現金券，滿600元則送100元現金券。

周六書店將全面8折，其中日本設計巨匠柳宗理餐具系列及百年德國品牌e+m文具，周五至日（6至8日）享65折優惠。誠品亦挑選咗日本品牌masté紙膠帶，周五至日買滿300元即可免費換領，買滿500元則送Cavallini 2017座枱曆，姊妹們準備行動啦！