熊本熊香港過冬 鑽石山開聖誕樂園

熊本熊（Kumamon）要嚟香港啦﹗大人氣的熊本部長今年聖誕揀咗喺鑽石山荷里活廣場過冬，今日起會在商場內佔地5,000多呎的熊本縣聖誕主題樂園棲息，開心歎盡人氣黑川溫泉，同將球磨川木橋、水前寺公園呢啲特色熊本縣景點推介畀香港人，仲會喺精品店搞聖誕義買，同香港人齊齊用和紙摺幸福紙鶴，為之前熊本地震的災民，送上聖誕祝褔。

熊本熊咁得意，自然「熊力沒法擋」！荷里活廣場推廣及市務經理盧幸意就預計，不同年齡層同地區的巿民都會特地嚟睇熊本熊，今年聖誕的人流應該升到10％，有成460萬人次咁話。同時商戶生意都估計可升6％，相信食肆、時裝、電器及電影會最受惠。