荃新天地喪玩 Candy Crush障礙賽

遊戲Candy Crush Soda好多人都玩開，但有無諗過可以置身其中做一粒糖？荃新天地1期即日至出年1月2日就化身大型的Candy Crush糖果池，仲有5米高的糖果聖誕樹，令大人細路都即刻成為Sweet爆的一分子。

見到咁可愛的糖果，影相當然唔少得，有得睇仲有得玩，好似逾8米長糖果障礙賽，就畀大家行過獨木橋再滑滑梯滑過糖果池；更加唔少得放電首選、全港室內最大的方塊「超級彈起充氣城堡」，邊彈邊有糖果陪住你飛，夠晒繽紛開心啦。

作為粉絲，自然唔少得玩番鋪game，荃新天地2期就會開放全港首部Candy Crush街機，粉絲可一齊鬥智鬥sweet。