csl市場策劃獎奪金 同事齊慶功

早排去灣仔食飯，撞到一大班csl嘅同事，原來佢哋當日搞慶功宴。因咩事咁開心？咪就係慶祝佢哋前排喺「HKMA/TVB傑出市場策劃獎」捧走最高殊榮嘅金獎囉！黛安記得佢哋已經唔係第一次拎呢個獎，問起公關姊妹至知，原來one2free同PCCW mobile過去曾經三度摘金，今年得獎廣告「大網絡大時代」，黛安仲記憶猶新，事關佢哋搵咗男神黃子華做代言，而子華喺廣告入面一句：「速度，從來都係致勝之道！」，事後亦成為不少網友談論及轉載嘅金句，可見個campaign幾咁成功。

其實csl除咗網速夠快，黛安亦好欣賞公司其他貼心服務，譬如話寵物定位追蹤、手機資料轉移等，統統都好實用；平時仲會搞好多工作坊，畀人試用未公開發售嘅電話，或者教長者用智能手機等等，得獎梗係實至名歸。